Cymerodd un o'n Clybiau Ynni Lleol arloesol ganol y llwyfan ar deledu amser brig yr wythnos hon, gan arwain The One Show ar 3 Mehefin 2025 gyda nodwedd ar Ynni Lleol Totnes.
Dychwelodd y newyddiadurwraig amgylcheddol Lucy Siegle, a fagwyd yn yr ardal, i Ddyfnaint i adrodd ar y clwb a'i ddull arloesol o ynni cymunedol. Gallwch weld y darn yma.
Mae Cymdeithas Ynni Adnewyddadwy Totnes (TRESOC) wedi gyrru'r fenter ymlaen, gan fanteisio ar gynllun hydro Afon Dart i bweru cartrefi lleol — ac mae'r effaith yn tyfu. Mae cannoedd o gartrefi eisoes yn elwa o drydan mwy fforddiadwy, o ffynonellau lleol.
Mae ein partner cyflenwi, 100Green, yn camu i mewn gydag ynni gwyrdd ychwanegol pan fo angen ac yn prynu unrhyw bŵer dros ben a gynhyrchir gan y gwaith hydro, gan sicrhau nad oes dim yn mynd yn wastraff.
Mae cynlluniau hefyd ar y gweill i ychwanegu solar, gan greu cyflenwad hyblyg, sy'n dal dŵr i'r gymuned.
Mae Ynni Lleol yn cysylltu cartrefi â generaduron adnewyddadwy cyfagos i sicrhau prisiau tecach a defnydd ynni mwy craff. Mae'r model hefyd yn cryfhau'r grid ac yn helpu pobl i gymryd mwy o reolaeth dros eu biliau drwy alinio defnydd â chynhyrchu lleol.
Eisiau archwilio sut y gallai Clwb Ynni Lleol weithio yn eich ardal? Cofrestrwch ar gyfer galwad gyflwyniadol yma.