Gwyrfai

Mae Ynni Lleol Gwyrfai yn glwb a arweinir gan y gymuned sy'n eich galluogi chwi i gael mynediad i'ch ynni o - a chyfrannu at - gyflenwad hydro lleol ynghyd â'n cynlluniau ar gyfer ynni solar cymunedol newydd.

Trwy gydweddu'r gofyn am ynni lleol i gynhyrchiad lleol, mae'r clwb yn cynnig cyfle i gartrefi a busnesau lleol dalu llai am ynni, tra'n helpu i adeiladu rhwydwaith ynni gwydn, ystyriol o'r amgylchedd sy'n fanteisiol i'ch poced, eich cymuned a'ch planed.  

Gofynion Aelodaeth

'Rydym yn chwilio am 40 o gartrefi a busnesau bychain, i gychwyn, i fod yn aelodau sylfaenol o Ynni Lleol Gwyrfai. 
Mae'n rhaid fod darpar aelodau:

1. hefo eiddo o fewn dalgylch Is-orsaf Trydan Waunfawr (gweler y map uchod)
    
2. hefo mesurydd clyfar (neu'n fodlon i un gael ei osod)
    
3. yn medru newid cyflenwr ynni i'n partner 100Green (mi wnawn ni'ch cynorthwyo hefo'r newid!)
    
4. yn fodlon derbyn tariff uwch gan 100Green am gyflenwad trydan ar adegau pan nad yw'r ynni a gynhyrchir yn lleol am 15c/kwh yn ddigonnol i foddhau'r gofyn amdano. 
    
5. yn amyneddgar OS GWELWCH YN DDA,  tra bo Ynni Lleol Gwyrfai yn cymryd ei gamau cyntaf ar y daith!

Os ydych yn bodlonni'r gofynion uchod, byddem yn falch o'ch cael chwi hefo ni, felly os gwelwch yn dda cofrestrwch eich diddordeb mewn ymuno trwy glicio ar y botwm "Ymunwch ag Ynni Lleol" uchod neu isod.