Dyffryn Banw

Roedd yn rhaid i Ynni Lleol Dyffryn Banw gau y llynedd, ond rydym yn ailgychwyn y clwb gyda 100Green yn bartner. 

Nod y prosiect yw caniatáu i bobl leol elwa o ddefnyddio trydan a gynhyrchir yn lleol. Daw’r ynni a gynhyrchir o Dreuliwr Anaerobig a thyrbin gwynt. Bonws y Treuliwr Anaerobig yw ei fod yn cynhyrchu trydan yn gyson drwy gydol y flwyddyn.

Bydd aelodau sydd yn defnyddio pŵer tra mae’r tyrbin a’r treuliwr anaerobig yn cynhyrchu trydan yn talu pris is am bob uned, a elwir yn match price. Bydd angen i bob aelod gael smart meter er mwyn dangos faint o drydan maen nhw’n ei ddefnyddio, a phryd.

Yn yr achos prin fod y ddau gynhyrchydd ddim yn cynhyrchu trydan, bydd aelodau ar time of use tariff. Bydd hyn yn amrywio, yn ddibynnol ar amser y dydd. 

I fynegi diddordeb mewn ymuno â'r Clwb, cliciwch ‘Mae gennyf ddiddordeb’ a rhannwch eich manylion. Nid oes ymrwymiad ar hyn o bryd.

Os ydych eisoes wedi cwblhau ffurflen yn mynegi diddordeb, neu yn gyn aelod, byddwn mewn cysylltiad yn fuan gyda chyfarwyddiadau ar sut i ymuno â’r clwb.